平時煲響螺湯要三個鐘,之前乾響螺頭仲要浸最少幾個鐘,乾堯柱又浸幾個鐘
今次就試吓只浸半小時再煲會點
買煲時有張紙仔教煲老火湯要加壓20分鐘,去街前浸咗螺頭同乾堯柱,4個鐘頭後返家洗乾淨就開始煲
因為無發花膠,所以只係用螺頭、堯柱、金華火腿同瘦肉煲
眼見咁少料,所以只加咗3碗半水
習慣水滾落料,幾分鐘就見到成條黃線,馬上細火加壓20分鐘
約10分鐘又見紅線又出蒸氣又有少少聲,但我無理佢,只要唔係出好多蒸氣或者好大聲,店長話唔駛怕
20分鐘過後排氣10分,試過啲湯好淡味,料太少罷
橫掂都要再滾,就開大火滾多15分鐘,希望走咁啲水好啲
滾完後得翻兩碗半水,味道濃咗,但係無老火湯咁濃,唔敢肯定係咪太少料
不過啲螺頭就未「林」哂,中間仲係有少少硬,以前煲會好「林」
下次煲試吓加壓30分鐘先得
文章標籤
全站熱搜
留言列表
